Dinamo në duelin sezonal, Korabi viziton Shijakun
Dinamo në ndeshjen më të rëndësishme të sezonit. Skuadra 18 herë kampione e vendit, do të presë në ‘Selman Stërmasi’ Burrelin e vendit të parë për llogari të javës së 17 të Grupit A në Kategori të Parë.
Kjo supersfidë e cila mund të vlejë konsiderueshëm biletën e ngjitjes në elitë, do të startojë në 13:00. Në anën tjetër Burreli i teknikut Samuel Nikaj pritet tentojë goditjen e fundit ndaj rivalit kryesor. Pavarësisht se te matjanët do të ketë dy-tri mungesa kryesore.
Në fushë edhe duelet Erzeni- Korabi, Oriku- Besëlidhja dhe Veleçiku-Partizani B. Në fakt ndeshja në ‘Tofik Jashari’ të Shijakut, ka po kaq rëndësi sa dhe ajo që luhet në kryeqytet mes dy skuadrave të para.
Një fitore eventuale e dibranëve, mund të konvertohet në kërcënim real për vendin e parë të Grupit A. Gjithnjë nëse Burreli nuk fiton sot ndaj Dinamos.
Ndeshjet sot:
Grupi A
13:00
Dinamo-Burreli (Selman Stërmasi)
13:30
Erzeni- Korabi
Veleçiku- Partizani B (Reshit Rusi)
Oriku- Besëlidhja