Portieri maroken në …histori
Portieri i Seviljës, marokeni Jasin Buonou, realizon një gol të jashtëzakonshëm ndaj Vajadolid. I jep një pikë Seviljes.
Ndeshja Vajadolid- Sevilja në La Liga për javën e 28-të, pati një fund dramatik. Për nga emocionet dhe rëndësia e shifrave. Por dhe një rekord.
Kur ndeshja kishte hyrë në shtesë dhe shifrat ishin 1-0 për ekipin vendas, portieri i Seviljës, marokeni Jasin Buonou, del nga zona dhe sulmon zonën tjetër.
Një top i ardhur rastësisht dhe portieri që godet me të majtën një ‘penallti’ në lëvizje. Topi përfundon në rrjetë për 1-1 final. Një mundësi ideale e vajadolid për të larguar rrezikun nga fundi, sfumohet atëherë kur nuk pritej.