Danaj nderon Burrelin, Besa ‘larg duart’ nga…Superiorja
Burreli i falet një goli të Sadush Danajt 2 minuta nga fundi i takimit me Erzenin në ‘Liri Ballabani’ për të marrë tri pikë në një duel i cili në fund pati edhe tension. Vetë klubi matjan ka shkruar në rrjete se pati tentativë për përpjasje mes palëve…
Në Pezë, Partizani B nuk kalon dot Orikun dhe skuadra e dytë e Partizanit, mbetet edhe pas kësaj jave në fund të renditjes së Grupit A.
Në Peqin, Egnatia- Besa dhuron spektakël. Rrogozhinasit me pretendime madhore këtë sezon teksa udhëheqin Grupin e jugut, pavarësishit shifrave 3-1 e patën shumë të vështirë me verdhezinjtë nga Kavaja.
Në minutat e fundit kur shifrat ishin 2-1, Besa iu afrua dy-tri herë barazimit por në fund Egnatia shënoi edhe të tretin në një aksion shumë të dyshimtë për pozicion jashtë loje. Besa protestoi. Ndërkohë në ‘Roza Haxhiu’, Lushnja theu 1-0 Flamurtarin me një supergol të Haxhiut.
Të tjerat luhen nesër.
Kategoria e Parë, java e 16-të:
Grupi A:
Burreli-Erzeni 1-0
Partizani B-Oriku 0-0
GRUPI B
Lushnja-Flamurtari 1-0
Egnatia-Besa 3-1