Dinamo arkëton 10 milion euro
Ecuria fantastike e Dinamos së Zagrebit, në Europa League,mbush arkat e klubit ballkanas. Sot në 13:00 shorti i 1/8-ve.
Ata treguan edhe njëherë se janë një klub i destinuar për të bërë histori të shoqëruar me para. Dinamo e Zagrebit me politikat e saj vijon të tregohet supermaci jo vetëm në Kroaci por dhe në kompeticionet europiane.
Eleminimi historik që i bëri të enjten Totenhemit duke përmbysur 2-0 të vajtjes në 3-0, i ka befasuar dhe vetë simpatizantët e skuadrës. Në ‘Maksimir’, Dinamo me një super Orsiç (realizoi tre gola), sot pret të shortohet në 13:00 në Nion.
Sigurisht te kampi i tyre kanë nisur të bëjnë llogari. Pas festës vjen dhe shuma e përfituar financiare që shkon në më shumë se 10 milion euro.
Nisi në Ligën e Kampionëve, në të cilin ata nuk arritën të kualifikoheshin, por në Ligën e Evropës kanë bërë shkëlqyer dhe janë ende në garë.
1.5 milion euro u përfituan nga UEFA vetëm nga eleminimi që i bënë Totenhemit dje.