Sot radha e… ‘kreut’
Pas barazimit të djeshëm Teuta- Kukësi 2-2 duket se sot ekipet që do të bëjnë për momentin anti-Vllazninë janë Partizani e Laçi.
Në krye është ngushtuar ndjeshëm diferenca e skuadrave që udhëheqin. Vllaznia pas atij barazimi në Korçë, ndjen afrimin e Partizanit dhe Teutës (4 pikë) dhe Laçit (5 pikë). Megjithatë shkodranët të inspiruar dhe nga koreografia e fansave me atë banderolë gjigande të vendosur dje te karshitë e ‘Loro Boriçit’, duket se e kanë vetë në ‘këmbë’ progresin teknik.
Lajm i mirë për shkodranët përpara sfidës së ditës së shtunë me Tiranën në ‘Loro Boriçi’, rikthimi i disa futbollistëve bazë të formacionit të Brdariç. Bardheblutë me destinacion pikët, në gjëndje ‘alarmi’…Sidoqoftë klasikja asnjëherë nuk zhgënjen. Gjykon Laver Alla.
Bylis- Skënderbeu dhe Kastrioti- Apolonia duelet e fundit të tabelës. Aty ku skuadrat dhe pozicionimi aktual i ngjan një kampionati tjetër. Vendimtare përballjet mes tyre.
Supersfidë parashikohet përballja e orës 16: 00 në ‘Elbasan Arena’ të sot pasdite. Partizani-Laçi nisin betejat mes tyre për t’u integruar si pretendentë për titullin e Kupën. Kësisoji, tani nuk mund të themi: “është shpejt”.
Superiore, java e 21-të.
Të premten
Teuta- Kukësi 2-2
Të shtunën 13:00
Vllaznia-Tirana
Bylis- Skënderbeu
Kastrioti- Apolonia
16:00
Partizani- Laçi (Elbasan Arena)
