Fiton Vllaznia, Teuta shijon…kostumet
Dy takimet e fundit të javës së parë të edicionit të 82-të të Kategorisë Superiore në fund të tyre, zbardhen dilemat e plota të prologut elitar. Kështu Vllaznia ia doli të mposhtë Apoloninë 2-0 me dy gola të futbollistëve të afruar si Dilaver e Dunga.
Boshnjaku shënoi në të 56-tën ndërsa ish-lojtari i Luftëtarit dhe Tiranës tetë minuta nga fundi vulosi shifrat në 2-0.
Në ndeshjen tjetër luajtur në ‘Niko Dovana’ përtej të gjitha parashikimëve Teuta ka dalë huq me Skënderbeun e Korçës duke u ndalur te barazimi 1-1.
Në këtë duel Teuta favorite e nisi ndeshjen praktikisht me një gol të shënuar teksa pas 10 minutave Rubin Hebaj godet me kokë dhe topi i devijuar përfundon në rrjetë.
Gjithësesi, portieri Frashëri pertej kualitetëve që mbart shpesh ka treguar se nuk di të ndahet nga gafat. Portieri lë zonën në të 33-ën dhe tenton të godasë një top por që shkon te këmbët e Meksit kundërshtar.
Kapteni bën kapitenin dhe nga një pozicion i vështirë godet drejt e në rrjetë. 1-1. Pikë e vyer për skuadrën e re të Ahmatajt ndërsa Teuta pretendente, njeh hapin e parë falso në shtëpi.
Kategoria Superiore, java e 1
Vllaznia- Apolonia 2-0 (Dilaver 56, Dunga 82′)
Teuta- Skënderbeu 1-1 (Hebaj 10′ / Meksi 33′)