Lenjano, respekt për 19-vjeçarin Rinaldi
Klubi i futbollit të Lenjanos në Itali, në shenjë respekti ka vendosur të tërheqë nga qarkullimi fanelën me numër 8, atë të veshur nga i riu Andrea Rinaldi, i cili vdiq dje pas aneurizmit që e kishte goditur atë, të premten në shtëpi.
Kështu raporton portali “aclegnano.it”. Ceremonia funebër, në kujtim të futbollistit të ri 19-vjeçar të Lenjanos, do të mbahet të enjten më 14 maj, në orën 15.30 në stadiumin Cermenate.
