Premiera e Lerdës, 1-5 ndaj Sarajevës!…
![](https://sportiim.al/wp-content/uploads/2019/06/Sarajevo-731x430.jpg)
Miqësore: Partizani-Sarajevo 1-5 (Mensah 75′ / Tatar 7’, 45’, Ahmetoviç 39’, Shishiç 45+1’, Mustafoviç 88′)
Rrugëtimi i trajnerit italian Franko Lerda në krye të skuadrës së Partizanit ka nisur në mënyrën më të keqe të mundshme. Në miqësoren premierë, që u zhvillua sot në stadiumin “Gornja Radgon” në Slloveni, Partizani humbi 5-1 ndaj Sarajevës, që është edhe kampione e Bosnje Hercegovinës.
Pjesa e parë u mbyll me shifrat 0-4 për skuadrën boshnjake, ndërkohë që në fraksionin e dytë të ndeshjes Partizani shënoi golin e nderit me ganezin Mensah në të 75-tën, pasi në fund boshnjakët do të shënojnë dhe do të fiksojnë fitoren e tyre 5-1.
Edhe pse starti i trajnerit italian në krye të Partizanit nisi me një humbje kaq të thellë, ajo mendohet se do t’i shërbejë mjaft teknikut Lerda, i cili pas kësaj ndeshjeje të pare, tani i njeh më mirë lojtarët e skuadrës së tij.
![](https://sportiim.al/wp-content/uploads/2019/06/370c415c-5f3d-4e7c-b901-a3851b5ec751.jpg)