Derbi, Trashi në tribunë…
Lorenc Trashi, një nga elementët më të vyer të Partizanit këtë sezon futbollistik, nuk do luajë në derbi. Lojtari ka plotësuar numrin e kartonëve, ndërsa në momentin më serioz, përballjes me Tiranën, do të mungojë.
Në fakt, djaloshi nga Gramshi përpos kualitetit që zotëron, shfaqet shpesh impulsiv. Më herët klubi e pati pezulluar pas një gjesti pas ndeshjes me Luftëtarin. Një sjellje e pa tolerueshme e cila ka bërë që drejtuesit e klubit asokohe, të pezullojnë mesfushorin për një afat të pa përcaktuar.
Por nervat e mesfushorit të kuq janë evidentuar sërish në takimet e fundit. Këtë radhë, “egërsinë”, Trashi e ka treguar në fushë, teksa javën e kaluar, shkeli keq E. Berishen e Laçit. Në skenë dhe ndaj vlonjatëve, ndërsa me lojën e ashpër, dëmtoi në kokë Emiljano Mustën e Flamurtarit. I pari, pas kontrolleve mjeksore, rrezikon sezonin, ndërsa Musta, u mjaftua me fashimin gjatë ndeshjës.
Derbi i së premtes Tirana-Partizani, pritet të ketë një tifoz më shumë në tribunë. Figuron Lorec Trashi.
