UEFA po teston rikthimin e tifozëve miq…

UEFA së shpejti mund të rihapë ndeshjet e Ligës së Kampionëve, Ligës së Evropës dhe Ligës së Konferencës për tifozët miq për aq kohë sa kufizimet e vendit pritës e lejojnë atë. Lajmi vjen nga Sky Sports UK.

Udhëtimet janë ndaluar në garat ndërkombëtare të klubeve që nga fillimi i pandemisë, por kjo vjeshtë 2021 mund të shënojë një rikthim të tyre.

Sipas transmetuesit britanik, vendimi mund të zyrtarizohet shumë shpejt. Me shumë mundësi UEFA do ndalet seriozisht tetorin e ardhshëm, me rastin e ndalesës tjetër të kombëtarëve.