Ikën “Wanda”, impianti i Atletikos nga sot “Riyadh Air Metropolitano”
- Një marrëveshje me vlerë gati 300 milionë euro për emërtimin e ri të stadiumit të Atletiko Madrid i cili deri në vitin 2033 do të quhet “Riyadh Air Metropolitano”.
Kështu merr fund emërtimi “Wanda” dhe debutimi me emrin e ri më 20 tetor ndaj Leganes me marrëveshjen e zyrtarizuar sot nga klubi madrilen.
Një sponsorizim nëntëvjeçar me linjën ajrore saudite e cila bëhet kështu “sponsorja më e rëndësishme në historinë e klubit” thuhet në shënimin e kompanisë spanjolle.
“Është nder të bëhem partneri emërues i Riyadh Air Metropolitano dhe të zgjasim bashkëpunimin tonë me Atlético de Madrid deri në vitin 2033. Të dyja kompanitë janë të motivuara për të arritur nivelet më të larta të suksesit dhe të kenë emrin tonë në një stadium aq emblematik sa do të rritet. Dukshmëria e Riyadh Air në botën e sportit dhe më gjerë”, thotë Tony Douglas, CEO i Riyadh Air.
Ndërsa CEO i Atletico Madrid, Miguel Ángel Gil, shton: “Vetëm më shumë se një vit pas nënshkrimit të marrëveshjes së sponsorizimit me Riyadh Air, të gjithë jemi shumë krenarë dhe të lumtur të njoftojmë zgjerimin e aleancës me një partneritet që cakton emrin Riyadh Air Metropolitano në stadiumin tonë. Faleminderit Tony Douglas dhe të gjithë ekipit të tij që zgjodhën Atlético de Madrid si një partner strategjik për nisjen dhe zhvillimin e projektit të tyre ambicioz në nivel global.
