Besa e para, Flamurtari e Vora ndjekin
Java e gjashtë e Kategorisë së Parë ka nisur me pesë sfidat e programuara për këtë të shtunë. Ligjin e kanë bërë skuadrat vendase, teksa vetëm Besa ka triumfuar në transfertë.
Kavajasit janë rikthyer te fitorja dhe te kryesimi i klasifikimit pasi mposhtën në shifrat 1-2 Apoloninë me përmbysje falë golave të Mazrekaj dhe Goxhajt.
Fitore e pastër edhe për Flamurtarin përballë Valbonës dhe triumf minimal i Vorës ndaj Pogradecit. Vijon të ngjitet në klasifikim dhe Kukësi pasi kaloi Korabon, ndërsa Lushnja u mposht në transfertë nga Burreli.
Sakaq, nesër mbyll llogaritë kjo javë e gjashtë e inferiores me sfidën Kastrioti – Erzeni që starton në 16:00.
Kategoria e Parë. Java 6:
Vora – Pogradeci 1-0
Kukësi – Korabi 1-0
Flamurtari – Valbona 2-0
Burreli – Lushnja 1-0
Apolonia – Besa 1-2