Kopmeiners vishet bardhezi, kontratë deri në 2029
![](https://sportiim.al/wp-content/uploads/2024/08/kopmeiners-24.jpg)
Ëndrra e holandezit të Atalantës bëhët realitet, firmos me ‘Zonjën e Vjetër’ në Torino.
Teun Kopmeiners është një lojtar i Juventusit. Pas negociatave që zgjatën gjatë gjithë verës, mesfushori 26-vjeçar më në fund ka zbarkuar në Torino për të nisur eksperiencën e re me fanellën bardhezi.
Pas lejes nga Atalanta, rreth mesditës, Kopmeiners u paraqit në J Medical për të kryer kontrollet mjekësore rituale. Vizitat zgjatën mbi pesë orë, me holandezin që më pas nënshkroi kontratën me klubin deri në vitin 2029.
Një mëngjes intensiv në J Medical, ku u shfaqën edhe ultrasit e Juventusit për të mirëpritur Kopmeiners, të impresionuar nga dëshira e fortë e lojtarit për të veshur fanellën bardh e zi.
Më tej, mesfushori holandez duket se ka vendosur edhe për numrin e fanellës së tij: do të veshë bluzën me numër 8.