Trofeu/ Bufon, Çmimi i Presdientit të UEFA-s

Nga Parma në majat e futbollit botëror, portieri legjendar frymëzoi brezat me aftësinë, qëndrueshmërinë dhe zemrën e tij dhe do të laurohet këtë javë në Monako.

Presidenti i UEFA-s Aleksander Ceferin nderoi Xhanluixhi Bufon duke zgjedhur ish-portierin e Italisë për të marrë çmimin e Presidentit të UEFA-s për vitin 2024.

Çmimi njeh arritje të jashtëzakonshme, përsosmëri profesionale dhe cilësi personale shembullore. Pak portierë, kanë mbetur në krye të lojës për aq kohë sa Bufon, paraqitjet e jashtëzakonshme dhe të qëndrueshme të të cilit përfshinin një karrierë të mahnitshme 28-vjeçare. Me 176 paraqitje për kombëtaren, Bufon është portieri më me shumë ndeshje i të gjitha kohërave.

Lojtari me më shumë paraqitje në historinë e kombëtares italiane dhe lojtari i katërt europian me më shumë paraqitje të të gjitha kohërave. Ai arriti kulmin e karrierës së tij në vitin 2006, duke luajtur një rol jetik në fitoren e Italisë në Kupën e Botës FIFA në Gjermani.

Bufon arriti një rekord dhjetë tituj të Serie A, Kupën UEFA 1999, gjashtë trofe të Kupës së Italisë dhe Ligue 1 gjatë një karriere klubi që e çoi atë nga Parma te Juventus dhe u kthye për një periudhë të shkurtër me PSg në Francë