Vllaznia e nis me tri pikë ndaj Partizanit, Zguro e lë…
![](https://sportiim.al/wp-content/uploads/2024/08/Partizani-Vllaznia-0-1-24.jpg)
Skënderbeu e AF Elbasani ndahen me nga një pikë, rekord tifozësh në Korçë.
Ka mbyllur llogaritë java e parë e Abissnet Superiore me dy përballjet e orës 20:00. Vllaznia startoi me fitore ndaj Partizanit, ndërsa aventura në elitën e futbollit shqiptar për Elbasanin ka nisur me një pikë në Korçë.
Në “Kompleksin Partizani” vendosi goli i Alivodës në minutën e 30′-të pas një shpërqëndrimi të prapavijës së kuqe. Zguro nuk i shpëtoi dot kartonit të kuq pas momenteve të tensionit, por kjo nuk e pengoi dot Partizanit të ulte ritmin.
Minuta të vështira për t’u administruar nga Vllaznia ato të fundndeshjes me kuqeblutë që edhe pse në avantazh numerik u kërcënuan nga vendasit. Në fund tre pikët shkuan për kuqeblutë.
Sakaq, mes Skënderbeut dhe Elbasanit gjithçka u mbyll në barazim 1-1. Golin e parë e shënuan vendasit me Prençin në fraksion e parë të sfidës, ndërsa për miqtë e ngjitur nga Kategoria e Parë mendoi Bruno Lulaj.
Pas javës së parë me pikë të plota janë vetëm Egnatia, Teuta dhe Vllaznia. Laçi, Tirana, Skënderbeu dhe Elbasani kanë nga një pikë, ndërsa Dinamo, Bylis e Partizani nuk kanë mundur të “arkëtojnë” në start./Sara Gjidiaj/
Abissnet Superiore, Java 1:
Partizani – Vllaznia 1-0 (Alivoda 30′)
Skënderbeu – Elbasani 1-1 (Prençi 18’/ Lulaj 81′)