CL/ Dy skuadrat e Superiores, sfida të vështira në transfertë
Nënkampionia e Shqipërisë Partizani do të sfidojë sot në transfertë Iberian në orën 18:00 me ndeshjen që luhet në Tbilis. Të kuqtë e Shehit do të kërkojnë një rezultat pozitiv ndaj ish Saburtalos me të cilën dy vite më parë fitoi në udhëtim 0-1 dhe u mund në ‘Air Albania’ 0-1 e më pas u eleminua me penallti.
Ndërsa kampionia në fuqi Egnatia provon shanset e ndeshjes së parë në Islandë me Vikingur (20:45). Rrogozhinasit zbritën në Ligën e Konferencës pasi u eliminuan nga Championsi ndërsa u përballen me Borac Banja Luka.
Kjo ndeshje merr shumë rëndësi pasi sfida e kthimit me shumë gjasë do të luhet në impiantin e rikonstruktuar në Rrogozhinë./Sportiim.al/