U nda me Hajduk, Perisiç drejt Monzës
Kroati i njohur Ivan Perisiç mund të kthehet në Itali. Anësori 35 vjeçar i cili u rikthye në vendlindje në janar pas eksperiencës te Totenhem, në fakt është në negociata me Monzën, siç raporton Sky.
Klubi i Monzës po punon të mbyllë marrëveshjen në minutën e fundit. Perisiç sapo është shkëputur përfundimisht nga Hajduk Split që drejtohet nga trajneri Xhenaro Gatuzo.
Me gjasë ai duhet të arrijë në Itali mbi bazën e një kontrate vjetore e kushtëzuar me pagë të ulët. Galiani si gjithnjë di t’i bëjë gjërat.
