Verstapen i pari, ka një ‘penallti’ për të shlyer
Garë nën pushtetin e motit të keq, nesër në SPA starti në 15:00
F1 para se të marrë pushimet zhvilloi sot provat zyrtare përpara se nesër në pistën e SPA (Belgjikë) të garojë për raundin e 14 të botërorit 2024.
Siç dhe pritej kampioni i trefishtë i Red Bull Maks Verstapen dominoi ndërsa arriti kohën më të mirë në 1′ 53”159, por që do të duhet të kryejë një dënim me 10 vende për shkak të ndryshimeve të bëra në makinë kohë më parë. Piloti i cili nuk ka kaluar momente të mira së fundi, pritet të bëjë të pamundurën për t’u kthyer te suksesi.
Në këto kushte do të jetë piloti i Ferrarit Sharles Leklerk për t’u nisur i pari me holandezin që sipas rregullores në fuqi do të startojë në vendin e 11-të. Në vijen e parë edhe Serxhio Perez me meksikanin e Red Bull që rikthehet protgonist.
