Euro 2024/ Si vjen Spanja në finale, historiku i kombëtares së De la Fuente
![](https://sportiim.al/wp-content/uploads/2024/06/spanja-de-la-fuente-1024x692.jpg)
- Spanja është e vetmja kombëtare që ka fituar tre tituj radhazi të Europës dhe të Kupës së Botës: Euro 2008, Kupën e Botës 2010 dhe Euro 2012.
Spanja e madhe e këtij europiani 2024, së paku deri sot një ditë para finales së nesërme në Berlin me Anglinë (21:00), ka treguar siguri në fushë e për më tepër në shifra teknikë.
Kombëtarja iberike e shortuar në Grupin B së bashku me Shqipërinë, Italinë dhe Kroacinë arriti tre fitore….
Vendi i parë Grupi B
3-0 kundër Kroacisë (Berlin, 15 qershor)
1-0 kundër Italisë (Gelsenkirchen, 20 qershor)
1-0 kundër Shqipërisë (Duseldorf, 24 qershor)
Raundi i 16-të
4-1 kundër Gjeorgjisë (Këln, 30 qershor)
Çerekfinale
2-1 kundër Gjermanisë (Shtutgart, 5 korrik)
Gjysmëfinale
2-1 kundër Francës (Mynih, 9 korrik)
Finale kundër Anglisë (Berlin, 14 korrik)
Euro trofe: 1964, 2008, 2012.
Finalet e mëparshme të Euro: 1964 (Fituar 2-1 kundër Bashkimit Sovjetik), 1984 (Humbur 2-0 kundër Francës), 2008 (Fituar 1-0 kundër Gjermanisë), 2012 (Fituar 4-0 kundër Italisë)
Rrugëtimi deri tani në Gjermani 2024
La Roja e nisi Europianin në formë të shkëlqyer, duke fituar të tria ndeshjet dhe duke shënuar pesë gola e mbrojtur të pa prekur portën e saj.
Spanja mori golin e saj të parë në turne në një sukses 4-1 në raundin e 16-të kundër Gjeorgjisë. Lamine Jamal bëri histori duke u bërë lojtari më i ri ndonjëherë në Euro, më pas asistoi kundër Gjermanisë në kohën shtesë në çerekfinale.
Në gjysmëfinale kundër Francës Jamin Jamal theu një tjetër rekord duke shënuar një supergol që më pas u pasua nga goli i fitores nga Dani Olmo.
Nëse Spanja triumfon nesër, do të bëhet skuadra e parë që fiton katër herë një Europian.
Trajneri: Luis de la Fuente
Një ish-mbrojtës krahu i Klubit Athletik Bilbao, me të cilin fitoi La Ligën, De la Fuente (63 vjeç) mundi Italinë dhe Kroacinë si trajner i Spanjës, duke fituar Ligën e Kombeve të UEFA-s verën e kaluar. Më parë fitoi Europianin me U19 (2015) dhe U21 (2019).
Menaxheri ka krijuar një atmosferë, mentalitet dhe stil të jashtëzakonshëm loje që kur mbërriti në turne dhe skuadrës i pëlqen të luajë për të./Isuf Myrtaj/