Dinamo Batum, rivali i Tiranës, në finale të Superkupës
Rivali i Tiranës në Conference League Dinamo Batum kap finalen e Superkupës së Gjeorgjisë.
Në gjysmëfinalen; Torpedo Kutasi-Dinamo Batum nuk mjaftuan minutat e lojës së rregullt (0-0) për të përcaktuar finalistin e parë. Ajo u vendos nga goditjet e penalltive.
Me rezultatin 5-6, Dinamo ia doli të sigurojë finalen duke mbajtur lart moralin përpara sfidës me bardheblutë në ‘Air Albania’ më 13 korrik 2023.
Gjysmëfinalja tjetër po luhet tani mes Dinamo Tbilis-Dila Gori.
Kujtojmë se Dinamo udhëheq kampionatin gjeorgjian me 42 pikë në 19 javë./Sportiim.al/