Toktas, i çmenduri vret fëmijen 5 vjeç
Çmenduri! Një ngjarje tragjike vjen nga Turqia, teksa futbollisti 32-vjeçar Cevher Toktas ka kryer një akt makabër duke mbytur me jastëk djalin e tij 5-vjeçar.
Edhe pse kishte 11 ditë nga krimi, vetëm sot policia e Bursës ia ka dalë të zbardhë ngjarjen me protagonistin e dërguar prapa hekurave.
Mesfushori mjeran, ishte pjesë e Bursa Yildirim Spor. Ai e kreu krimin e rëndë në një spital, ndërsa fëmija e tij 5-vjeçar, ishte i shtruar me simptoma të Covid-19 dhe pas vetëm 11 ditësh pranoi autorësinë.
“I vura djalit një jastëk në kokë dhe e mbajta fort derisa nuk po merrte më frymë. Më pas thirra mjekët, për të mos krijuar dyshime. Nuk kam asnjë problem mendor, por e vrava djalin tim, pasi nuk e doja”, tha Toktas.
Futbollisti me shumë gjasë pritet të dënohet me burgim të përjetshëm nga gjykatat turke, për vrasje me dashje.