Kalon Argjentina, Kolumbi “fair”…
● Në grupin B kualifikohen Kolumbia dhe Argjentina për në çerekfinale. Kolumbia do të ndeshet me Kilin ose Uruguajin, ndërsa Argjentina do të ketë përballë Venezuelën.
Argjentina -Katar 2-0 (Lautaro Martinez 4’, Aguero 82’)
Kolumbia-Paraguai 1-0 (Kuejar 32’)
Të gjithë e dëshironin në çerekfinale dhe Argjentina realizon objektivin primar, duke kaluar në çerekfinale të “Copa America” falë fitores 2-0 ndaj Katarit.
Lautaro Martinez shënoi golin e parë të takimit që në krye të herës, ndërkohë që në limite të takimit, Aguero shënon edhe golin e sigurisë, ndërsa në lojë ishin edhe 8 minuta.
Në fund, falë dhe fitores së Kolumbisë ndaj Paraguajit, Argjentina dhe dy Lionelet (Skalini dhe Mesi) festojnë lirshëm. Në çerekefinale nuk i pret Brazili. .
Ndeshja tjetër u karakterizua nga loja e fortë, por Kolumbia, tregoi se ka potenciale edhe kur në fushë ka ndryshime.
Me fitoren 1-0 të kolumbianëve, Paraguait tani i duhet të presë një barazim eventual midis Japonisë dhe Ekuadorit për të kaluar më tej, si skuadra e dytë më e mirë e vëndeve e treta.
