Kukësi lëviz, nga Elbasani në Cërrik…
Skuadra verilindore e Kukësit në përgatitje për rifillimin e Kampionatit të 81-të Kombëtar është akomoduar në qytetin e Elbasanit, ku mesa duket ka gjetur mjedise dhe kushte më të favorshme për stërvitje.
Mirëpo sot, skuadra e Kukësit, e cila ende nuk është e plotësuar në organikë për shkak të karantinimit, është zhvendosur për t’u stërvitur në stadiumin “Nexhip Trungu” të Cërrikut, që ofron kushte mjaft të mira në tapetin e gjelbërt të tij.
Një gjë lajm të tillë e bën të ditur vetë klubi verilindor, nëpërmjet disa fotove të publikuara në faqen zyrtare në Facebook. Nuk dihet ende, nëse fusha e stadiumit të Cerrikut, do të jetë rezidenca stërvitore e skuadrës kuksiane deri në rifillimin e Superligës më 3 qershor.