Pioli në efektin ‘domino’, del pozitiv
Arkitekti i Milanit aktual, Stefano Pioli, është infektuar me COVID-19. Klubi kuqezi tha mëngjesin e kësaj të shtune, se Pioli iu nënshtrua një testi të shpejtë ku rezultoi pozitiv për Koronavirues.
Për rastin janë informuar autoritetet shëndetësore dhe trajneri, i cili nuk ka simptoma, ka shkuar të karantinohet në shtëpinë e tij. Klubi njofton se testi i është bërë edhe pjesës tjetër të ekipit dhe të gjithë kanë rezultuar negativë.
Si rezultat, sesioni trajnues i ditës së sotme është anuluar dhe pritet të vijojë të hënën. Ndeshja e radhës e Milanit teksa kryeson Seria A i vetëm është me Napolin e shqiptarëve Hysaj e Rrahmani.
Njoftimi:
“AC Milan raporton që Stefano Pioli rezultoi pozitiv pas një tamponi të shpejtë të kryer këtë mëngjes. Pasi informoi autoritetet kompetente shëndetësore, trajneri, i cili nuk ka asnjë simptomë, u vendos menjëherë në karantinë në shtëpi.
Të gjitha tamponët e tjerë të kryer në grupin e ekipit janë rezultate negative. Trajnimi i sotëm është anuluar. Në varësi të monitorimit të kërkuar nga protokolli federal, ekipi do të rifillojë programin stërvitor në funksion të ndeshjes kundër Napolit të hënën pasdite”