Gega pozitiv, Hallaçi 37
Ekipi i Kukësit i drejtuar sot nga Rrahman Hallaçi vuajti jo pak për të marrë kualifikimin për 1/8 e Kupës së 69-të të Shqipërise teksa mundi në Pezë-Helmës Besën e Kavajës 2-1.
Nëse Hallaçi sot festoi 37 vjetorin e lindjes me kualifikimin e Kukësit, trajneri i parë Skënder Gega, duhet të festojë fitoren e verilindorëve nga shtëpia.
Përgjigia e tamponit ka rezultuar pozitiv, dhe tropojani do duhet ti nënshtrohet izolimit për të paktën 14 ditë.
Ndërkaq, klubi ndërsa e uron për shërim të shpejtë ia dedikon Gegës kualifikimin duke sjellë para lexuesit edhe konfirmimin se tekniku gjëndet i prekur me COVID-19.
Komunikatë e klubit:
“Klubi i Kukësit njofton se trajneri Skënder Gega ka rezultuar pozitiv në tamponin e kryer për Covid 19! Trajneri Gega prej 4 ditësh ka ndjerë simptomat e para të virusit dhe ka munguar në stërvitje për të shmangur çdo kontakt me ekipin duke u vetëizoluar në shtëpi, ndërsa ditën e djeshme ka kryer tamponin dhe nga përgjigja që mori ditën e sotme, ai rezultoi i prekur nga Corona Virus. Klubi i Kukësit i uron shërim dhe rikthim sa më të shpejtë trajnerit Gega. Të presim më të fortë profesor. Kjo fitore ishte për ty”