Vllaznia kalon Bylis, shkëputet në krye
Abissnet Superiore nisi me duelin Vllaznia- Bylis për javën e 6-të. Në ndeshjen numër 100 me kuqeblutë për Balajn, skuadra vendase dominoi në pjesën e parë por gol nuk pati.
Me startin e së dytës shkodranët kaluan përpara me golin e Stojanoviç i cili në të shkuarën ka veshur bluzën e mallkastriotëve. Mbrojtësi pasi tentoi në fundin e fraksionit të parë (me kokë topi jashtë) i’a doli të dërgojë në rrjetë një top të ardhur nga këndi i majtë në të 47′ për 1-0.
Epërsia e shkodranëve u konkretizua më tej me golin e Balajt (80′) për 2-0 final.