Flamurtari për fitoren e radhës, Kukësi me forca të reja në Tropojë
Do të mbyllet sot me dy ndeshjet e orës 16:00 java e 5-të në Kategori të Parë. Në fushë, Flamurtari-Apolonia dhe Valbona Kukësi. Në fakt të dyja sfidat i ngjanë derbeve rajonalë teksa pritshmëritë për këto përballje janë të larta.
Në stadiumin ‘Flamurtari’ vendasit e Agostinelit pritet të kërkojnë pikët maksimale në mënyrë që të afrohen me Besën kryesuese e cila u ndal dje në Lushnje 0-0. Po ashtu fierakët pas dështimit në “Loni Papuçiu” javën e kaluar me Lushnjën (0-1) kërkojnë kthesën.
Duel i gjithi misterioz ai që do të luhet në Tropojë. Vendasit kanë 4 pikë në 4 ndeshje dhe kanë mbledhur një pikë më shumë se fqinjët e teknikut Çela. Verilindorët kanë rikthyer së fundi futbollistët Redon Dragoshi, Geri Selita dhe Franci Lala duke rritur cilësinë./Sportiim.al/
Kategoria e Parë, java e 5:
16:00
Flamurtari- Apolonia
Valbona- Kukësi