Besa me hap kampioni, Kastrioti përmbys Lushnjën
Mentor Mazrekaj merr për dore Besën (9 pikë të plota), dy gola Pogradecit.
Është zhvilluar thuajse e gjithë java e tretë e Kategorisë së Parë. Pesë sfida të luajtura, 9 gola të shënuar, përmbysje e surpriza me Emiliano Çelën që e nisi aventurën e tij te Kukësi me një humbje.
Përballë Apolonisë, verilindorët e mbyllën në shifrat 1-2 në shtëpi teksa nuk ia dolën të ruanin të paktën barazimin përballë fierakëve.
Kastrioti ia doli të fitonte me përmbysje përballë Lushnjes, teksa Valbona mori një fitore minimale ndaj Erzenit duke i lënë sërish në fund shijakasit pa asnjë pikë.
Fitore e pastër edhe për Besën në transfertën pogradecare dhe një barazim i vetëm pa gola midis Korabit dhe Burrelit. Kjo javë e tretë mbyll llogaritë nesër me supersfidën Flamurtari – Vora./Sara Gjidiaj/
Kategoria e Parë, Java 3:
Kastrioti – Lushnja 2-1
Kukësi – Apolonia 1-2
Valbona – Erzeni 1-0
Korabi – Burreli 0-0
Pogradeci – Besa 0-2