Mitaj në ‘Top listë’, mbrojtësi kuqezi i pesti në Europë…
Kombëtarja e Shqipërisë falë performancës në Grupin E kualifikes të Euro 2024 por dhe miqësores së ditës së martë me Bullgarinë 2-0, vijon të mbetet me vëmendje të shtuar në kontinent.
Yjet e rinj te grupi kuqezi i Silvinjos janë të shumtë por njëri prej tyre Mario Mitaj 20 vjeç, në ndeshjet me Poloninë (2-0), Republikën Çeke (3-0) dhe dje ndaj Bullgarisë në miqësore, ka marrë vlerësimin e parë të madh ndërkombëtar.
Sipas një publikimi të fundit të “Global Watch”, Mario Mitaj është lojtari i pestë më i mirë në Europë për moshën U-21 që luan me Kombëtaren A. Në vendin e parë ndodhet Hojlund me notën mesatare 7.4, Bradley me 7.33, Camavinga me 7.27, Sesko me 7.25 dhe Mario Mitaj me 7.17.