Nis Egnatia, Elbasani- Vllaznia e Flamurtari- Dinamo garantojnë spektakël
Dy supersfidat e mbrëmjes pritet të afrojnë numër rekord tifozësh në Elbasan e Vlorë. Kampionati në momentin e …’vendimëve’
Tjetër mundësi e Egnatias për të kapur kreun e rënditjes. Së paku për disa orë pasi Elbasani e Vllaznia ndërsa ndeshën në orën 19:00, mund ta parakalojnë sërish. Rrogozhinasit do të takohen sot në orën 16:00 me Vorën në “Arena Egnatia” për raundin e 15-të Abissnet Superiore. Humbja e fundit në shtëpi me Flamurtarin ka lënë shije të hidhur ndërsa sot pritet kthesa. Për Vorën misioni nuk ndryshon, Pikë në çdo fushë…
Ndërkaq në orën 19:00 dy duele me shumë pritshmëri. AF Elbasani-Vllaznia nuk ka nevojë të ‘karikohet’. Përballë njëra tjetërs dy skuadrat e kreut. Vendasit me 26 pikë ndërsa shkodranët një pikë më pak, 25.
Në fakt, ecuria për dy klubet në tre javët e fundit, nuk figuron ndër më të mirat. Si Elbasani ashtu dhe Vllaznia nuk e njohin fitoren në këto javë.
Sakaq një tjetër ndeshje e madhe pritet të zhvillohet po në 19:00 në Vlorë. Kuqezinjtë e Morieros janë kthyer fort në objektivin për mbijetesë ndërsa pas fitores së madhe javën e kaluar në udhëtim me rrogozhinasit (0-1)do të kërkojnë vazhdimësi edhe përballë Dinamos plot cilësi.
Abissnet Superiore, java e 15-të:
Sot:
16:00 Egnatia- Vora
19:00 AF Elbasani- Vllaznia
19:00 Flamurtari- Dinamo Siti
Luajtur të dielën:
Bylis- Teuta 1-1
Tirana- Partizani 0-2/ Sportiim.al/