F1 2025/ Vendoset titulli kampion bote, shanset e tre protagonistëve
Holandezi i Red Bull niset i pari, i dyti Norris dhe më pas Piastri. Në rast barazimi me pikë, Norris favorit
Nesër në Katar (14:00), gara e fundit e sezonit do të vendosë titullin e pilotëve të Botërorit 2025 në Formula 1. Lando Norris dhe Oskar Piastri me McLaren, dhe Maks Verstapen me Red Bull, janë tre kampionët e mundshëm. Britaniku Norris kryeson renditjen me 408 pikë, holandezi Mkas është i dyti, dymbëdhjetë pikë më pak, ndërsa australiani Piastri ka 16 pikë më pak se shoku i tij i skuadrës Lando Norris.
Mundësitë&formula në rast barazimi:
NORRIS shpallet kampion nëse:
- Ai e përfundon garën në podium
- Ai përfundon i katërti dhe Verstapen nuk fiton
- Ai përfundon i pesti dhe Verstapen nuk fiton
- Ai përfundon i gjashti dhe as Verstapen as Piastri nuk fitojnë
- Ai përfundon i shtati dhe as Verstapen as Piastri nuk fitojnë
- Ai përfundon i teti, Verstapen i treti ose më keq, dhe Piastri nuk fiton
- Ai përfundon i nënti, Verstapen është jashtë podiumit dhe Piastri nuk fiton
- Ai përfundon i dhjeti, Verstapen nuk është në podium dhe Piastri është i treti ose më keq
- Ai përfundon jashtë pikëve, Verstapen i katërti ose më keq dhe Piastri i treti ose më keq
VERSTAPEN shpallet kampion nëse: - Ai fiton dhe Norris përfundon i katërti ose më keq
- Ai përfundon i dyti, Norris i teti ose më keq dhe Piastri nuk fiton
- Ai përfundon i treti, Norris i nënti ose më keq dhe Piastri nuk fiton
PIASTRI shpallet kampion nëse - Ai fiton dhe Norris përfundon i gjashti ose më keq
- Ai përfundon i dyti, Norris i dhjeti ose më keq, dhe Verstapen i katërti ose më keq
PIKË TË BARABARA: - Nëse Norris, Piastri dhe Verstapen do të përfundonin të barabartë, do të aktivizohej i ashtuquajturi sistem numërimi mbrapsht, i cili është sistemi i barazimit që përdoret për të vendosur një kampionat me pikë të barabarta, që përfshin krahasimin e rezultateve të pilotëve duke filluar me fitoret. Situata aktuale: 7 për të tre pilotët. Hapi tjetër do të ishte të kontrollohej numri më i lartë i përfundimeve në vendet e dyta, me Norris me tetë, të ndjekur nga Verstapen me pesë dhe Piastri me tre. Ndaj, lideri aktual i kampionatit do të triumfonte dhe do të fitonte titullin.