Tirana, shansi i dytë i Nuhiut, supersfida e Shkodrës pret dyndje tifozësh

Tirana- Vora dhe Vllaznia-Dinamo Siti janë dy përballjet e sotme të javës së 11-të Abissnet Superiore. Në “Selman Stërmasi” do të luhet në orën 14:00 ndërsa bardheblutë pas dështimit të tretë radhazi e kanë detyrim fitoren për të lënë vendin e fundit në tabelë.

Përballë do të ketë as më pak e as më shumë por Vorën debutuese e cila në shumë javë kampionat, ka ditur të shfaqet skuadër konkuruese. Madje dhe fazën e parë, luajtur në Laç vorakët munden thellë Tiranën 3-1. Për Nuhiun në ndeshjen e dytë me tiranasit, kjo sfidë përbën dhe trendin e shpejtë të trajnerit të ri në atë që shihet si ndryshim në pankinë.

Ndërkaq në orën 17:00 në “Loro Boriçi” Vllaznia pret Dinamon. Kjo ndeshje e “mbarsur” me polemika mediatike ende pa nisur, sfida premton garë speciale e kërkesë të madhe për pikë. Vllaznia është e para (bashkë me Elbasanin) mirpo me blutë, i ndajnë vetëm dy pikë ndaj dhe ekipet, ndër më të mira të këtij edicioni, përtej objektivit të largët, e kanë një sfidë të shpejtë për kreun.

Nesër, radha e Teuta- Partizani dhe AF Elbasani-Egnatia. Ndeshja e dejshme e xhiros së 11-të Bylis- Flamurtari luajtur në Vlorë u vendos nga goli i Maksutit (63′) për skuadrën vlonjate 0-1./Sportiim.al/