MotoGP/ Markez absolut, qahet Banjaia
Në 10 ndalesa sezonale kampioni spanjoll me Ducati ka triumfuar në gjashtë prej tyre. Kryeson me 307 pikë, ndjek Aleks me 239.
Domimi absolut i Mark Markez në botrorin 2025 në MotoGP, ndërsa dje dhe pardje fitoi garën Sprint dhe atë të zakonshme në ndalelën e Holandës, ka shqetësuar rivalët e këtij sporti emocionues.
Njëri prej tyre, Françesko Banjaia i cili në Asen u rendit i treti, shprehet se ndihet i mërzitur me situatën. Duke folur për garën e fundit ndër të tjera Peko thotë:
“Motori më kufizon në frenim në hyrje, pastaj gjatë garës jam i shpejtë, por humbas xhirot e para të garës sepse në tre të parat jam gjithmonë konkurrues, pastaj kam rënien dhe më tej kthehem përsëri i fortë. Kishim ritëm, mendova edhe për fitoren, dhashë gjithçka, por nuk ia dola në fund. Motori është i ndërlikuar, por duhet të punojmë për të bërë hapa përpara”.
Ndërkohë Mark Markez ka deklaruar se nuk ishte në një ditë speciale por që arriti të fitojë. Vllai i tij Aleks, ai që e ndjek në renditjen e përgjishme individuale, u rrëzua e për pasojë diferenca në krye rritet. Pas markesz, në podium u ngjit edhe Bexeki si i dytë dhe Banjaia i treti.