Norris, Pole Position në Austri, Leklerk i dyti me Ferrari

Nga Sporti Im 1 javë më parë

Në ndalesën e 11-të të Botërorit 2025 në Spielberg (Austri) F1 para pak momenteve zhvilloi provat zyrtare për startin e Çmimit të Madh që zhvilohet të dielën në orën 15:00.

Në të tre sesionet e provave zyrtare të pasdites, piloti i MekLaren, Lando Norris, dominoi duke merituar pole position, të 12-in në karrierë. Ndryshe nga sa pritej, shoku i Norris te skuderia angleze njëherazi kryesuesi i kampionatit Oskar Piastri, dështoi në raundin e fundit të provave duke mbetur i treti. Kohën më të mirë se ai e mori piloti i Ferrarit Sharls Leklerk.

Ndërkaq për probleme të pistes, kampioni i botës në fuqi Maks Verstapen u tërhoq në momentin final duke përfunduar i shtati. Shkak u bë Pierre Gasli me Alpine teksa një rrokullisje e tij jashtë e brenda piste shkaktoi ngritjen e flamurit të verdhë, duke detyruar disa pilotë të hiqnin këmbën nga gazi dy pretendentët Verstapen e Piastri. /Sportiim.al/

Nisja nesër ora 15:00.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!