Zhgënjen Dortmund, brazilianët e Fluminense dominojnë, mungon…goli

Trajneri i gjermanëve Kovaç: Fituam një pikë me vuajtje

Ndeshja për Grupin F të Kupës së Botës për Klube, Fluminense-Borusia Dortmund, përfundoi në një barazim pa gola. Një 0-0 që nuk pasqyroi plotësisht emocionet e shumta gjatë ndeshjes,teksa brazilianët ishin më pranë fitores.

Në fushë, pjesa e parë ritmike dhe pa ‘karta’, me përmbysje të sulmit dhe raste afër portës nga brazilianët e trajnuar nga Portalupi.

Në ndeshjen e parë të ditës së Kupës së Botës për Klube ata u përpoqën të kalonin pranë Kobel me Xhon Aries dhe Martineli, por pa mundur të shënojnë. Nga ana e tyre verdhezinjtë gjermanë prodhuan pak për të fituar takimin.