Liverpul për festën e titullit të 20-të, Premier League pretendon 6 bileta Champions-i
Liverpul i Arne Slot është gati të festojë titullin e njëzetë në historinë e tij, duke ndërprerë dominimin e Mançester Sitit dhe duke u rikthyer në krye të Anglisë pas pesë vitesh. Festimet – këtë herë pa kufizime për shkak të COVID 19- mund të zhvillohen të dielën, kur Totenhem do të vizitojë ‘Anfield’ teksa një pikë do të jetë e mjaftueshme për Reds për të fituar Premier League 2024/2025.
Të Kuqtë tashmë e kanë siguruar matematikisht aksesin në Ligën e Kampionëve të sezonit të ardhshëm, ku do të ketë pesë ekipe angleze (gjashtë nëse Mançester Junajtid ose Totenhem fitojnë Ligën e Evropës): për momentin vendet e tjera janë të rezervuara për Arsenalin, Sitin, Notinghem Forest dhe Njukasëll, ndërsa Çelsi dhe Aston Vila do të luanin përkatësisht në Ligën e Europës dhe Ligën e Konferencës. Një finale emocionuese duke pasur parasysh se ka pesë ekipe në vetëm katër pikë që konkurrojnë për tre vende.
Ndërkaq dy kupat vendase, Kupa FA dhe Kupa Carabao, i japin të drejtën për një vend në Ligën e Europës dhe një në Konferencë përkatësisht.