Nesër java e 35-të, verdiktet pranë së vërtetës

Java e 35-të ose e parafundit e edicionit të 86-të të futbollit shqiptar në Superiore do të zhvillohet e gjitha nesër në orën 15:30. Luhet për zonën ‘Final Four’ dhe zonën e ftohtë të tabelës.

Partizani përballet në Ballsh me Bylis dhe është i detyruar të bëjë tri pikë për të mos vënë në diskutim vendin e katërt që të përfshin në fazë finale për titull kampion. Po ashtu Elbasani ndjekës me një pikë më pak teksa pret Vllazninë në ‘Elbasan Arena’.

Për Dinamon duket e lehtë transferta e Laçit me kurbinasit që duken të dorëzuar për të mbajtur kategorinë. Një betejë më vete ajo mes Tiranës, Bylisit, Skënderbeut e Teutës për të mos shoqëruar eventualisht bardhezinjtë një ligë më poshtë. Për Egnatian, shtëpiakja me korçarët kurrësesi nuk duhet konsideruar një takim i lehtë…

Nesër e shtunë 19 prill 2025

Ora 15:30

Bylis- Partizani

Egnatia-Skënderbeu

Laçi- Dinamo

Tirana- Teuta (në ‘Arena Kombëtare’)

AF Elbasani- Vllaznia /Sportiim.al/