F1/ Piastri fiton Çmimin e Madh të Shangait
Mëngjesin e sotëm Formula 1 ishte e impenjuar me garën e Shangait në Kinë aty ku dy makinat e McLaren fituan dy vendet e para.
Natyrisht vendi i parë për australianin Oskar Piastri figuroi ‘qershia mbi tortë’ i cili u nis nga pole position dhe mbylli përpara shokut të skuadrës Lando Norris. Britaniku teksa fitoi garën hapëse të Botërorit 2025 javën e kaluar në Australi që në xhirot e para arriti të kërcejë Mercedesin e Xhorxh Rasëll për ta ruajtur deri në fund.
Kështu për Piastrin vjen fitorja e tretë në karrierë. Rasëll përfundon i treti me Mercedes në fund të një testi solid dhe efektiv. Ferrari mbetet jashtë podiumit. Vetëm vëndi i katërt për kampionin në fuqi Maks Verstapen.
Piastri pas garës:
“Ishte një fundjavë e pabesueshme nga fillimi në fund. Makina ishte e jashtëzakonshme. Ishte një surprizë sa zgjatën gomat në krahasim me dje, ishim të shqetësuar. Fitore e bukur dhe një e dyta e shkëlqyer për ekipin: Jam shumë i lumtur. Nuk mendoja se mund ta bënim të gjithë Grand Prix me një ndalesë. Jam shumë krenar për veten.”
