Duka merr pjesë në mbledhjen e Komitetit HatTrick të UEFA-s në Prishtinë
Presidenti i FSHF-së, Armand Duka mori pjesë në mbledhjen e Komiteti HatTrick të UEFA-s, që u zhvillua sot në Prishtinë të Kosovës.
Në këtë mbledhje u miratuan 22 plot projekte të rëndësishme për federatat anëtare të UEFA-s.
Një nga vendimet kryesore ishte miratimi i projektit të Federatës së Futbollit të Kosovës për Kampin Nacional të FFK-së në Hajvali, që do të transformohet në një stadium të kategorisë së katërt me kapacitet prej 14 mijë vendesh.
Komiteti HatTrick është një nga organet më të rëndësishme vendimmarrëse të UEFA-s, që ofron mbështetje për federatat anëtare në realizimin e projekteve për zhvillimin e futbollit./FSHF/
