Klasikja në Elbasan, Teuta e ka detyrim fitoren
Superioria luan sot (16:30) dy ndeshjet përmbyllëse të Javës së 29-të. Tirana-Vllaznia në “Elbasan Arena” dhe Teuta- AF Elbasani, çiftet në garë për të konfiguruar renditjen e re pas kësaj xhiroje futbollistike.
Bardheblutë pritës në këtë klasike vijnë pas një fitorje të madhe arritur javën e kaluar ndaj Laçit 4-1 ndërsa sot do të përpiqen të shtojnë dhe tri pikë të tjera në llogarinë e pikëve të tyre. Ismaili dhe Meta mungesa të deklaruara por Shkëmbi nuk do të ketë as sherbimet e Rafael.
Te Vllaznia situata duket ndër më të mirat pasi Tomas Brdariç i ka thuajse të gjithë. Mbrojtësi Marko Juriç i cili prej javësh endet në Shkodër (respekton kontratën) nuk mund të konsiderohet ndërsa dilema për trajnerin kroato- gjerman ka në zgjedhjet eventuale.
Ndërkohë paralelisht në Durrës, Teuta takohet me Elbasanin. Në fakt trajeni i ‘Djemëve të detit’ Bledar Hodo ka dilema sa i takon përzgjedhjes së formacionit. Dy nga titullarët absolutë Matias Lloci dhe Vasil Zhongo ende duken me probleme. Rikthimi i Alsid Krujës rrit cilësinë në prapavijë.
Ndërkohë verdheblutë e Gvozdenoviç, vijnë në këtë transfertë pas zhgënjimit në shtëpi teksa u ndalën nga Skënderbeu 0-0. Pa shtuar këtu që sot në “Niko Dovana” elbasanasëve me shumë gjasë do ju mungojnë Lulaj i dëmtuar së fundi por dhe Lleshi e Edon Hasani. Pikëpyteje edhe për Lukilin dhe Ibrahimin. /Sportiim.al/