Liverpul pret PSG-në, Slot: Shkojmë në finale

Do të jetë Liverpul-Paris Saint-Germain për herë të fundit, të paktën në këtë sezon të Champions League. Nesër në Anfield do të vendoset se kush do të kalojë në çerekfinale dhe kush do të eliminohet, me Reds tashmë me një këmbë përpara për të kaluar pas fitores 0-1 në të vajtjes.

Në vigjilje të ndeshjes së nesërme Arne Slot, trajneri i Liverpul foli në një konferencë për shtyp.

“Mendoj se pas kësaj ndeshje, ka ende një rrugë të gjatë për të shkuar në finale. Ne e dimë se mund të takojmë Vila-n ose Bryzh dhe më pas ndoshta Arsenal dhe një nga skuadrat e Madridit. Jemi të gjithë mjaftueshëm të fortë për të shkuar në finale, kështu që është e vështirë të thuhet. PSG-ja ka një lojë futbolli për të humbur dhe po ashtu edhe ne, kështu që mendoj se të dy kemi arritur kaq larg në këtë fazë. Këto ekipe shkojnë shumë larg në këtë turne”.

“Ne jemi përballur me Arsenalin, Realin, Sitin, por me cilësinë që ka PSG-ja, ndoshta klubi më i pasur, por ata kanë aq shumë cilësi me një trajner të madh, i cili i lejon ata të luajnë në një mënyrë që nuk është e lehtë për t’u përballur. Prandaj ne duhet të jemi më të mirët në shtëpi, ne kemi pasur një paraqitje të ndryshme kundër Sitit”, ndër të tjera Slot.