Muçi shkon te goli, Rashica asiston

Beshiktash arrin të fitojë në Kupë, Muçi dhe Rashica protagonistë.
Në fitoren e Beshiktashit 2-0 në Kupën e Turqisë ndaj Kirklarelisporit kontribut të madh dhanë dy shqiptarët, Ernest Muçi dhe Milot Rashica.
Tiranasi shënoi golin e parë në minutën e 62-të ndaj skuadrës së ligës së tretë ndërsa Rashica asistoi për golin e dytë të shënuar në minutën e 79-të nga Xhoao Mario.
Muçi luajti nga minuta e parë, ndërsa ishte pikërisht Milot Rashica ai që e zëvendësoi atë në minutën e 73-të.
Pas këtij triumfi Beshiktash është në vendin e parë në Grupin D të Kupës së Turqisë./Sportiim.al/