Presidentja e NFF: VAR-i të mos hiqet në Norvegji

Federata Norvegjeze e Futbollit (NFF) ka rekomanduar që sistemi VAR të vazhdojë të përdoret në ligat kryesore, vetëm disa ditë pasi shumica e klubeve norvegjeze votuan kundër përdorimit të VAR.

NFF rekomandoi zhvillimin e mëtejshëm të teknologjisë “VAR” në vend të heqjes së tij.

“Megjithë argumentet e forta në favor të heqjes së VAR-it, veçanërisht kundërshtimet nga klubet e ligës më të lartë, organi qeverisës ka arritur njëzëri në përfundimin se gjëja më e mirë për futbollin norvegjez është ruajtja dhe zhvillimi i tij”, tha presidentja e NFF-së, Lise Klavenes.

Në votimin e javës së kaluar, ku morën pjesë 32 klube, 19 votuan pro anulimit të teknologjisë dhe 13 kundër.

Shoqata e Mbështetësit Norvegjez (NSA) po ashtu bën thirrje për t’i dhënë fund përdorimit të kësaj teknologjie, e cila përdoret në vendin skandinav që nga viti 2023, duke e akuzuar atë për vrasjen e spektaklit.

Aleanca, zëri i së cilës është me ndikim, do të mbrojë qëndrimin e saj në Asamblenë e planifikuar për 1 dhe 2 mars.

Presidentja e futbollit Lise Klavenes deklaron se vendimi unanim i Bordit të Drejtues të Federatës së Futbollit është të mbajë VAR, pavarësisht vendimit të klubëve të NTF për të kundërtën.

Ndërkaq nën presionin e klubeve të saj, Suedia vitin e kaluar u bë vendi i parë në Europë që vendosi të heqë VAR-in.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!