Legjenda Brajtner: Realit i mungon Virtz
Pol Brajtner ish-futbollisti gjerman, ishte një nga protagonistët e futbollit botëror në vitet ’70 dhe ’80. Mbrojtësi apo mesfushori i majtë, e ka lidhur emrin e tij me Bajern Mynih dhe Real Madrid, klube me të cilat ka fituar 5 kampionate gjermane, një Kupë Kampionësh dhe 2 kampionate spanjolle. Me kombëtaren gjermane fitoi Kampionatin Europian në 1972 dhe Botërorin në 1974, duke shënuar edhe në finale.
Ndërkohë ish-lojtari i Realit, Brjatner, gjatë programit ‘After Foot RMC’, u shpreh për lojtarin që i mungon Real Madridit për të qenë edhe më i kompletuar, duke piketuar Florian Virtz. “Ai është lojtari që u mungon, një lojtar i jashtëzakonshëm”, tha ish-futbollisti gjerman.
Në fakt talenti i Leverkusen, me kontratë deri në vitin 2027, është ylli i padiskutueshëm i skuadrës dhe është krejtësisht i qetë nën drejtimin e Çabi Alonso-s. Paraqitjet e tij gjatë dy viteve të fundit kanë qenë të klasit të lartë, me një numër prej katërmbëdhjetë golash dhe njëmbëdhjetë asistimesh në tridhjetë ndeshje.
