De la Fuente pas rinovimit: Nuk kam menduar kurrë të largohem, jam aty ku dua të jem
Luis de la Fuente, trajneri i kombëtares spanjolle, ka rinovuar kontratën e tij deri në vitin 2028. Më pas trajneri lëshoi disa deklarata në faqen zyrtare të RFEF, duke shpjeguar emocionet që ndjeu kur nënshkroi:
“Jam shumë i lumtur dhe po kënaqem. Kjo surprizë që unë shpresoj se nuk do të përfundojë kurrë, e gjithë kjo duhet të shërbejë si motivim, për t’u përmirësuar vazhdimisht Nuk kam menduar kurrë të largohem, jam aty ku dua të jem”.
Njoftimi për shtyp
“RFEF ka rënë dakord të rinovojë besimin e organit drejtues në figurën e Luis de la Fuente, i cili do të vazhdojë të drejtojë ekipin kombëtar si trajner deri në fund të Kampionatit Evropian që do të mbahet në vitin 2028, siç informoi Bordi i Drejtorëve të RFEF gjatë takimit të mbajtur të hënën më 27 janar në Las Rozas”.
