Kolo Muani kryen vizitat mjekësore te Juve, të shtunën në fushë
Pas njoftimit zyrtar të Juves për afrimin Alberto Kosta, teksa ka nënshkruar kontratë deri në qershor 2029, ditë e vizitave mjekësore në ‘J Medical’ për blerjen tjetër të re të bardhezinjëve.
Sulmuesi i kombëtares franceze Kolo Muani, marrë nga PSG në formë huazimi do të jetë i tillë deri në fund të sezonit. Ai mbërriti në Torino mbrëmjen e së mërkurës për të nisur aventurën e re në Itali.
Menjëherë 26 vjeçari u paraqit sot në ‘Allianz Stadium’ për t’iu nënshtruar testeve fizike dhe atletike, të cilat do të pasohen me nënshkrimin e kontratës.
Synimi i klubit është që lojtari, i lindur në 1998, të jetë i disponueshëm për ndeshjen e ligës kundër Milanit të planifikuar për të shtunën në orën 18:00.
