Tirana me mungesa në Laç, Dinamo- Egnatia duel…vendimtar
Nisi dje faza e tretë e Abissnet Superiore e cila përkon dhe me xhiron e fundit të vitit kalendarik 2024.
Ndeshjet e tjera të raundit të 19-të zhvillohen sot dhe nesër. Kështu me fillim orën 13:30 sot Laçi pret Tiranën teksa në 16:30 super përballja Dinamo Siti- Egnatia.
Te dueli Laçi- Tirana një ndeshje me risk të lart për dy ekipet teksa janë duke luftuar me fundin, çdo hap fals i tyre do të implikonte më tej situatën te zona e ftohtë. Vëndasit e Morieros do të vuajnë mungesën e Tresës për kartonë por jashtë planeve për sot duket edhe Arlind Kurti. Për Myrtën e dëmtuar që nga sfida me Partizanin në Laç duhet pritur janari.
Në kahun tjetër bardheblutë përpos lajmit të keq që lidhet me ndalimin e merkatos për tre sesione, sot do ti mungojnë futbollistë të cilësisë në grupin aktual. Zharmuni, Gjumsi, Jonuzi, Mici dhe Meta konsiderohen mungesa të rëndësishme.
Në 16:30 në Elbasan, Dinamo- Egnatia. Blutë e Dajës duan tri pikë për t’u rikthyer në krye por sot skuadra me gjasë do të ketë disa mungesa mes të cilëve Gudiabi, Muzek e Qardaku. Te rrogozhinasit problemi i vetëm lidhet me kapitenin Renato Malota të cilin trajneri Tetova në konferencë shtypi e listoi si mungesë në takimine sotëm.
Takimi i fundit i javës luhet të dielën në “Niko Dovana” ndërmjet Teutës dhe Bylisit (16:30).
Sot:
13:30
Laçi- Tirana
16:30
Dinamo- Egnatia (në Elbasan)
Të dielën
16:30
Teuta- Bylis
Laujtur të premten:
Skënderbeu- AF Elbasani 0-2
Partizani- Vllaznia 2-0 /Sportiim.al/