Partizani në Ballsh pa Rrapajn, Tirana bëhët “top” para Teutës
Dy ndeshjet e fundit të raundit të 17-të nisin pas pak me duelin Bylis- Partizani i cili zhvillohet në Ballsh me start orën 13:30.
Në fakt, në një fushë të rënduar nga shirat përballen dy ekstremet e rëndtijes. Vendasit e Dedes janë në fund me 13 pikë ndërsa Partizani sot pozicionohet i dyti me 29 pikë.
Te Bylis mungojnë Sulovari dhe kapiteni Marin Abazaj teksa te të kuqtë Arinaldo Rrapaj por dhe trajneri Veselinoviç i pezulluar nga Disiplina.
Ndërkohë në 17:00, Tirana- Teuta në ‘Arenën Kombëtare’. Te bardheblutë ka disa rikthime si Dembele, Zharmuni dhe Gjumsi. Mesushori Meta mbetet jashtë planeve të Maganit. Te Teuta formacioni duket i plotë pasi veç Emiljano Vilës të gjithë të tjerët janë në dispozicion.
Ndërkaq Pogradeci- Burreli është sfida e vetme e Kategorisë së Parë për javën e 15-të. Ky takim nis në orën 13:30./Sportiim.al/
