Atalanta thyen Milanin, merr kreun në Serie A
Atalanta nuk ndalet asnjëherë teksa në takimin e dytë të javës së 15-të të Serie A (më herët Interi fitoi 3-1 me Parmën) mundi 2-1 Milanin, duke regjistruar fitoren e nëntë radhazi në të gjitha garat dhe duke zënë vendin e parë në kampionat.
Skuadra e Gasperinit, i skualifikuar dhe i zëvendësuar në pankinë nga Griti, shfrytëzoi në maksimum topat në zonat boshe, duke gjetur dy gola në ndeshje.
Fillimisht me De Ketelare në minutën e 12-të – i aftë për të mposhtur Hernandez dhe më pas me Lukman tre minuta nga fundi.
Në mes, Milani arriti të gjente golin e barazimit me Moratën në minutën e 22-të me asistimin e Leaos, por kjo nuk mjaftoi për t’i shpëtuar Bergamos e për të qëndruar në linjën e liderëve. Atalanta tashmë me 12 pikë më shumë se kuqezinjtë.
