Kupa/ Nisin ndeshjet eliminatore, elita pushim deri në 15 janar

Nisin sot 16 ndeshjet e turit elimintaor të edicionit të 73-të të Kupës së Shqipërisë. Në turin tjetër më 20 nëntor probaliteti i supersfidës Flamurtari- Besa

Në këtë raund marrin pjesë 2 ekipet e renditura në vendin e 9-të dhe të 10-të të “Abissnet Superiore” në Sezonin 2023-2024 si dhe 12 ekipet pjesëmarrëse në kampionatin e Kategorisë së Parë në Sezonin 2023-2024, 16 ekipet e renditura në tetë vendet e para të Kategorisë së Dytë të grupeve A dhe B në sezonin 2023-2024, si dhe dy ekipet e kualifikuara nga turi para-eleminator.

Ndërkohë turi i radhës do të vendosë sërish përballë fituesit e këtij raundi për të prodhuar 8 ekipet që në 15 janar do të përballen me 8 skuadrat e Superiores (Dinamo, Teuta, Vllaznia, Egnatia, Laçi, Partizani, Tirana, Skënderbeu).

Të gjitha ndeshjet sot do të luhen në orën 13:30 dhe janë vetëm me një takim. Në rast barazimi ka shtesë 2×15 apo penallti.

Më poshtë kalendari i ndeshjeve të fazës për 1/16 -at e Kupës së Shqipërisë.

Programi i ndeshjeve të sotme (13:30)

Kastrioti- Butrinti

Erzeni- Naftëtari

Valbona- Besëlidhja (në Pezë)

AF Elbasani- Turbina

Tomori- Iliria

Flamurtari- Devolli

Besa- Tërbuni (në Lekaj, Kavajë)

Apolonia- Këlcyra

Burreli- Sopoti